القصيدة للشاعر : حمد الضحيان الأسعدي وليست للشاعر الكبير سعد بن جدلان الأكلبي
لا ضاق صدرك والليالي تحدّتك
اصبر عليها والصبر زين لو طال
لا تنحني للوقت وتروح هيبتك
وتموت بالحسره ولو كنت رجّال
واحذر توضّح لأقرب الناس سدّتك
لو تزعله لحظه حكت فيك الأجيال
واحذر تدوّر عند الأنذال حاجتك
ما ينقضي لازم ولا يستر الحال
وكان الليالي والمقادير حدّتك
إنص الحشيم معرّب الجد والخال
ولا صرت ضيف الناس لا تطول مدّتك
غالي تجي وتروح يا طيّب الفال
وإحذر تكلّم عن تفاصيل بدّتك
يلقى بها القتّات مخرج ومدخال
ولا تبيّن للحبايب مودّتك
تراك لازدت الغلا بالغلا زال
وإن كان همّك بالزمن بس لقمتك
الفول بريالين والخبز بريال